1- تطبيق Crono Notification
التطبيق ده مش جديد .. بس هو ابهرني بصراحه .. التطبيق ده بتحمله عندك على الموبايل بكل سهوله وبيبقى ليه Extension على اي متصفح انت بتستخدمه على اللاب او الكمبيوتر بتاعك .. وعن طريق اللاب ومن الـExtension دي بتقدر تشوف كل الـNotifications بتاعتك اللي على الموبايل قدامك على اللاب
يعني لو انت في اجتماع او لو موبايلك في الشاحن وبعيد عنك .. تقدر من خلال الـExtension اللي على اللاب بتاعك او الكمبيوتر دي انك تشوف اي حاجه جايالك على الموبايل .. اي حاجه بمعنى اي حاجه !
في ميزة حلوه جدًا كمان في الابلكيشن ده وهي انك تقدر ترن على موبايل من خلال الـExtension اللي عندك على اللاب توب عشان لو انت مثلًا مش لاقي موبايلك او مش عارف موبايلك راح فيهم .. تقدر تقوله Ring My Phone موبايلك هيرن من خلال الإضافة اللي على الكمبيوتر.
هسيبك تكتشف الإضافة دي بنفسك بس في شوية حاجات بسيطه كده هقولك عليهم .. ممكن تشوف من خلال الـExtension اللي عندك على اللاب توب نسبة البطارية في موبايلك يعني لو موبايلك على الشاحن وعايز تعرف خلص شحن ولا لأ ممكن وانت قاعد من غير ما تقوم .. يُعتبر معاك موبايل كام من الاضافه دي !
عشان تستخدم الـCrono Notification كل اللي انت محتاجه انك هتحمل من البلاي ستور تطبيق Crono Notification وتحمل على الكمبيوتر بتاعك هتحمل الاضافه بتاعته .. بس لازم الجهازين يكونوا على نفس شبكة الـWiFi .. اللاب توب او الكمبيوتر والموبايل بتاعك يكونوا على نفس الشبكة.
2- تطبيق Who Touched My Phone
لما تحس ان في حد بيفتش في موبايلك من وراك وعايز تعرف مين .. يبقي تحمل تطبيق Who touched my phone !
التطبيق ده بيقدر يسجل كام مره حد حاول يفتح موبايلك ومعرفش .. او لو عرف يفتح موبايلك بيقدر انه يسجل في Report او تقرير بالتاريخ والساعه .. هو فتح انهي تطبيق بالظبط بالتاريخ والوقت والثانيه .. وفوق البيعه كمان بياخدلك صوره ليه من خلال كاميرا السيلفي علشان اللي عمل كده ميعرفش ينكر.
التطبيق بيشتغل في الخلفيه ومحدش بيقدر يعرف انه شغال وبيقدر يصور ويسجل من غير ما يعمل اي قلق للي بيحاول يفتش في موبايلك وبيخليه يفضل متطمن ويلعب براحته وفي الأخر انت اللي تقدر تشوف مين اللي عمل كده.
- 🔽تحميل تطبيق Who touched my phone : من هنا
3- تطبيق Computer Launcher
طبعًا كُلنا عارفين تطبيقات الـLancher وهي التطبيقات اللي بتغير شكل واجهة الموبايل وشكل الأيقونات وكده .. بس التطبيق ده عجبني جدًا بصراحه .. Computer Launcher بيخلي موبايلك يتحول لـWindows 10 بالظبط بمعظم خصائص ويندوز 10 .. انا اول ما جربته قولت هيكون صعب الإستخدام .. بس لما استخدمته لقيته سهل اوي وعجبني جداً شكله علي الموبايل.
واجهة الموبايل بمجرد ما تحمل التطبيق وتشغله هتتحول لواجهة ويندوز 10 .. وStart Menu تحت تقدر منها تجيب كل التطبيقات .. وزرار تعمل منه Search على اي حاجه عندك على الموبايل .. وتقدر تفتح رسايلك وتعمل مكالماتك بكل سهوله.
ومن اليمين تقدر تشوف التاريخ والوقت زي Windows 10 تمامًا .. وتقدر تشوف الـNotifications بتاعتك وطبعا كل الـMenus اللي بتحتاجها هتلاقيها.
التطبيق ده فيه Built-In File Manager او مدير ملفات .. يعني لما تدوس على This PC هيفتحلك موبايلك في شكل ملفات شبه الويندوز 10 بالظبط ولما تحذف حاجه هتلاقيها بره في سلة المهمات بالظبط كأنك قاعد على الـPC بتاعك .. بصراحة لذيذ جدًا والتغير مطلوب.
- 🔽تحميل تطبيق Computer Launcher : من هنا
ليست هناك تعليقات:
إرسال تعليق